Fúinn

Is comhlacht Éireannach é Mol an Óige a reáchtáiltear ag múinteoirí, do mhúinteoirí.

Bunaíodh an comhlacht i gCorcaigh ar dtús, agus d’éirigh leis é féin a bhunú mar phríomhsholáthraí duaiseanna agus spreagthaí do scoileanna ar fud na tíre. In 2020, ghlac múinteoir agus Cúntóir Riachtanais Speisialta i nGaillimh seilbh ar an gcomhlacht le pleananna fáis agus forbartha.

Tá sé mar aidhm againn cabhrú le scoileanna trí chomharthaí beaga molta agus spreagtha a sholáthar. Tá ár dtáirgí inacmhainne, ábhartha agus éagsúil chun freastal ar éachtaí acadúla agus iompair éagsúla.

Tá raon leathan táirgí againn chun foghlaim a spreagadh: lena n-áirítear peannluaidhe, pinn, bráisléid, greamáin, stampaí agus earraí eile.

Is é ár sprioc úsáid na Gaeilge a spreagadh agus a chothú – ní hamháin sa seomra ranga, ach mar theanga labhartha i bpobal na scoile.

Déantar cuid mhór dár dtáirgí go saincheaptha in Éirinn.

—-

Mol an Óige agus Tiocfaidh Sí